Leverkuzenning "Bayer" klubi o‘tgan yozda Belgiyaning "Yunion" jamoasidan kelib qo‘shilgan hujumchisi Viktor Bonifas uchun narx belgiladi.

Tuttojuve nashri xabariga ko‘ra, "dorishunoslar" nigeriyalik futbolchini 50 million yevroga baholamoqda. Xabi Alonso jamoasi yozda bu futbolchi uchun 20,5 million to‘lagan.

Qayd etilishicha, Turinning "Yuventus" klubi Bonifas xizmatlariga qiziqish bildirmoqda, biroq "keksa sinyora" o‘z hujumchilaridan birini birinchi bo‘lib sotgan taqdirdagina "Bayer"ga murojaat qiladi.

Eslatib o‘tamiz, Bonifas Germaniya Bundesligasida asosiy kashfiyotlardan biriga aylandi. Nigeriyalik futbolchi barcha turnirlarda 17 ta uchrashuvda 11 ta gol urdi va 6 ta golli uzatmani amalga oshirdi.