Леверкузеннинг "Байер" клуби ўтган ёзда Бельгиянинг "Юнион" жамоасидан келиб қўшилган ҳужумчиси Виктор Бонифас учун нарх белгилади.
Tuttojuve нашри хабарига кўра, "доришунослар" нигериялик футболчини 50 миллион еврога баҳоламоқда. Хаби Алонсо жамоаси ёзда бу футболчи учун 20,5 миллион тўлаган.
Қайд этилишича, Туриннинг "Ювентус" клуби Бонифас хизматларига қизиқиш билдирмоқда, бироқ "кекса синьора" ўз ҳужумчиларидан бирини биринчи бўлиб сотган тақдирдагина "Байер"га мурожаат қилади.
Эслатиб ўтамиз, Бонифас Германия Бундеслигасида асосий кашфиётлардан бирига айланди. Нигериялик футболчи барча турнирларда 17 та учрашувда 11 та гол урди ва 6 та голли узатмани амалга оширди.
