Chempionlar ligasining 5-turidan o‘rin olgan “Manchester Yunayted” va “Galatasaroy” jamoalari 3:3 hisobida maydonga tushdi.

11-daqiqada mehmonlar vingeri Alexandro Garnacho hisobni ochdi. 18-daqiqada avvalroq sherigiga assist bergan yarim himoyachi Brunu Fernandesh gol urdi. 29-daqiqada Hakim Ziyesh jarima zarbasini amalga oshirib, oradagi farqni bitta golga qisqartirdi.

Yarim himoyachi Skott MakTominey 55-daqiqada gol urib, yana oradagi farqni 2 taga oshirdi. 62-daqiqada Ziyesh ikkinchi bor jarimadan to‘p kiritib, yana farqni qisqartirdi - ikkala jarimadan yo‘llangan zarbada ham darvozabon Andre Onana qo‘pol xatoga yo‘l qo‘ygandi. 71-daqiqada yarim himoyachi Kerem Aktyurkoglu marokashlikning uzatmasidan so‘ng Onana darvozasining yaqin burchakka zarba berib, hisobni tenglashtirdi.

"Manchester Yunayted" 4-ochko bilan so‘nggi tur oldidan guruhda 4-o‘rinni egallab turibdi. “Galatasaroy” hisobida 5 ochko bor - 2-o‘rin.

Galatasaroy Turkiya – Manchester Yunayted Angliya 3:3
Gollar: 0:1 – 11 Garnacho, 0:2 – 18 Brunu Fernandesh, 1:2 – 29 Ziyesh, 1:3 – 55 Maktominey, 2:3 – 62 Ziyesh, 3:3 – 71 Aktyurkoglu.
Galatasaroy – Muslera, Boe, Ayxan, Bardakdji, Anxelinyo (Nelsson, 83), Ziyesh (Yilmaz, 82), Torreyra, Ndombele (Serjiu Oliveyra, 60), Zaa (Demirbay, 88), Mertens (Aktyurkoglu, 60), Ikardi.
Manchester Yunayted – Onana, Uan-Bissaka (Diogu Dalot, 78), Maguayr, Lindelef, Shou, Brunu Fernandesh, Amrabat (Maynu, 58), Maktominey, Antoni, Garnacho (Pelistri, 78), Xeylund (Marsyal, 58).
Ogohlantirishlar: Brunu Fernandesh (27), Boe (42), Amrabat (45), Ayxan (53), Shou (59), Uan-Bissaka (64).