"Galatasaroy" vingeri Xakim Ziyesh "Chelsi"dagi qiyinchiliklar haqida fikr bildirdi.
Marokashlik "ko‘klar" safiga 2020 yilda "Ayaks"dan 40 million yevro evaziga o‘tgan edi. Hujumkor yarim himoyachi London jamoasida o‘zini namoyon qila olmadi va shu yilning avgust oyida u "Galatasaroy"ga keyinchalik sotib olish majburiyati bilan ijaraga berildi.
"Biz "Chelsi"dagi muammolar haqida uzoq vaqt gapirishimiz mumkin. Umumiy xulosa shuki, hamma narsa kutgandek bo‘lmadi. Murabbiylar iste’folari, rahbariyat bilan bog‘liq muammolar va "PSJ"ga muvaffaqiyatsiz o‘tishim bilan to‘la davr bo‘ldi. "Chelsi"da yuqori saviyali o‘yinchilardan iborat uchta tarkibga ega edik - bu juda ko‘p ekanligi aniq, sabr-toqat tugadi", - deya Ziyesh so‘zlarini keltiradi VoetbalZone.
