Kataloniyaning "Barselona" klubi darvozaboni Mark-Andre ter Shtegen yana jamoasining mashg‘ulotlarini o‘tkazib yubordi. Insayder Nacho Ximenes bergan ma’lumotlarga ko‘ra, germaniyalik posbon "ko‘k-anorranglilar"ning bugungi guruh mashg‘ulotlarida ishtirok etmagan.

Ko‘rinishidan, "Barselona"ning so‘nggi ikki o‘yinida maydonga tushmagan Ter Shtegen bel qismidagi jarohatidan hali tuzalmagan. Eslatib o‘tamiz, "Rayo Valyekano" va "Portu"ga qarshi o‘yinlarda kataloniyaliklar darvozasini zaxira darvozaboni Inyaki Penya himoya qilgandi.

"Barselona" - "Atletiko Madrid" uchrashuvi ertaga Toshkent vaqti bilan soat 01:00da bo‘lib o‘tadi.