Farg‘onaning "Neftchi" klubi tojikistonlik himoyachisi bilan shartnomani uzaytirganini e’lon qildi.

"Zoir Jo‘raboyev Tojikiston milliy terma jamoasining a’zosi sifatida qo‘shni davlat futbolini rivojlantirishga barakali hissa qo‘shgan sportchilaridan biridir. Ma’lum muddat "Surxon" futbol klubi tarkibida ham qizg‘in faoliyat yuritgan. "Neftchi"ga Vitaliy Levchenko bosh murabbiy etib tayinlangach, murabbiylar shtabi Zoir Jo‘raboyevni Farg‘onada to‘p surishga taklif etdi. Shu tariqa bu futbolchi bu yilgi mavsumda "Neftchi"ning peshqadamlik sari dadil qadamlashida faol ishtirok etib, himoyachi sifatida jamoaning qator uchrashuvlarida g‘oliblikni qo‘lga kiritishi va nihoyat mavsumni peshqadamlar safida yakunlashiga munosib hissa qo‘shdi. Ana shularni hisobga olib klub rahbariyati u bilan tuzilgan shartnomani uzaytirishga qaror qildi" - deyiladi farg‘onaliklar rasmiy bayonotida.

Zoir Jo‘raboyev yakuniga yetgan mavsumda Superliga musobaqasida 25 uchrashuvda maydonga chiqib,  2065 daqiqa xarakat qildi. Mavsum  davomida bitta gol urishga erishgan va ikki golga assistentlik vazifasini bajargan.