"Brayton" bosh murabbiyi Roberto De Zerbi jamoasidagi hozirgi kadrlar holati haqida gapirdi.

"Premyer-ligada o‘tgan yozda birdaniga uchta muhim o‘yinchini yo‘qotgan bitta jamoa bor - bu "Brayton". Shunga qaramay, ayni damda biz bir xil saviyani saqlab qolyapmiz.

Boshqa jamoalar ko‘plab yangi o‘yinchilarni sotib olish bilan birga, hech kimni sotishmadi. "Brayton" o‘z navbatida uchta futbolchisini sotdi va muxlislarimiz bizning futbolni qanday sevishini ko‘rsatishda davom etmoqda", - dedi De Zerbi.

Eslatib o‘tamiz, yozgi transfer oynasida "Brayton" darvozabon Robert Sanches ("Chelsi"), shuningdek, yarim himoyachilar Moyses Kaysedo ("Chelsi") va Aleksis Makallister ("Liverpul") bilan xayrlashgandi. Klub bu transferlardan jami 181 million yevro ishlab oldi.

Ayni damda “chayqalar” Angliya Premyer-ligasining 14-turidan so‘ng 22 ochko to‘plashdi. De Zerbi shogirdlari chempionat jadvalida sakkizinchi o‘rinda bormoqda.