"Брайтон" бош мураббийи Роберто Де Зерби жамоасидаги ҳозирги кадрлар ҳолати ҳақида гапирди.

"Премьер-лигада ўтган ёзда бирданига учта муҳим ўйинчини йўқотган битта жамоа бор - бу "Брайтон". Шунга қарамай, айни дамда биз бир хил савияни сақлаб қоляпмиз.

Бошқа жамоалар кўплаб янги ўйинчиларни сотиб олиш билан бирга, ҳеч кимни сотишмади. "Брайтон" ўз навбатида учта футболчисини сотди ва мухлисларимиз бизнинг футболни қандай севишини кўрсатишда давом этмоқда", - деди Де Зерби.

Эслатиб ўтамиз, ёзги трансфер ойнасида "Брайтон" дарвозабон Роберт Санчес ("Челси"), шунингдек, ярим ҳимоячилар Мойсес Кайседо ("Челси") ва Алексис Макаллистер ("Ливерпуль") билан хайрлашганди. Клуб бу трансферлардан жами 181 миллион евро ишлаб олди.

Айни дамда “чайқалар” Англия Премьер-лигасининг 14-туридан сўнг 22 очко тўплашди. Де Зерби шогирдлари чемпионат жадвалида саккизинчи ўринда бормоқда.