Nemanya Matich "Manchester Yunayted"dagi tartib-intizom bilan bog‘liq muammolar haqida gapirdi.
Unga ko‘ra, mashg‘ulotlarga kech qolib kelganlar orasida Pol Pogba, Jeydon Sancho va yana bir qancha futbolchilar bor.
"Chelsi"da futbolchilar o‘zlarini professionallardek tutishardi, ular o‘z vaqtida va mashg‘ulotlarga kechikishmasdi. "Manchester Yunayted"da bu deyarli har kuni sodir bo‘lardi.
Har doim mashg‘ulotlarga o‘z vaqtida kelganlarning bundan jahli chiqardi, shuning uchun biz ichki tartib-intizom qo‘mitasini tuzishga qaror qildik, men uning rahbari bo‘ldim.
Bir varaq qog‘oz olib, kechikkanlarning ismlarini yozib qo‘ydim. Bir mavsumda biz taxminan 75 000 funt jarima undirdik. Biz bu pulni Londondagi ziyofatga sarflamoqchi edik, ammo koronavirus pandemiyasi tufayli bunga erisha olmadik", dedi "Renn" yarim himoyachisi Matich YU Planet nashriga bergan intervyusida.