"Manchester Yunayted" markaziy himoyachisi Rafael Varan yanvar oyidayoq sotib yuborilishi mumkin.

Fransiyalik futbolchi sentyabr oyining oxiridan beri klubda asosiy tarkibdagi o‘rnini yo‘qotgan, so‘nggi uch o‘yinda, jumladan, Chempionlar Ligasining “Galatasaroy”ga qarshi o‘yinida Erik ten Xag hatto markaziy himoyachini qaydnomaga ham kiritmadi. SportsZone xabariga ko‘ra, Varan tezda klubini o‘zgartirishga tayyor - u yanvarda ketish borasida qaror qabul qildi. "Manchester Yunayted" ham bir necha hafta oldin xabar qilinganidek, 30 yoshli futbolchini sotishga qarshi emas.

Rafael Varan joriy mavsumda 12 ta o‘yinda 1 ta gol urdi. Transfer ekspertlari fransiyalik futbolchining narxini 35 million yevroga baholamoqda. Unga "Bavariya" qiziqish bildirgan.