"Манчестер Юнайтед" марказий ҳимоячиси Рафаэль Варан январь ойидаёқ сотиб юборилиши мумкин.
Франциялик футболчи сентябрь ойининг охиридан бери клубда асосий таркибдаги ўрнини йўқотган, сўнгги уч ўйинда, жумладан, Чемпионлар Лигасининг “Галатасарой”га қарши ўйинида Эрик тен Хаг ҳатто марказий ҳимоячини қайдномага ҳам киритмади. SportsZone хабарига кўра, Варан тезда клубини ўзгартиришга тайёр - у январда кетиш борасида қарор қабул қилди. "Манчестер Юнайтед" ҳам бир неча ҳафта олдин хабар қилинганидек, 30 ёшли футболчини сотишга қарши эмас.
Рафаэль Варан жорий мавсумда 12 та ўйинда 1 та гол урди. Transfer экспертлари франциялик футболчининг нархини 35 миллион еврога баҳоламоқда. Унга "Бавария" қизиқиш билдирган.
