Kataloniyaning “Barselona” klubi himoyachisi Inigo Martines bo‘lajak o‘yinlarda jamoasiga yordam bermaydi, bu haqda “ko‘k-anorranglilar” ijtimoiy tarmoqlarida xabar berildi.
Ma’lum bo‘lishicha, 32 yoshli futbolchida son suyaklari shikastlangani aniqlangan. Martinesning to‘liq tiklanishi uchun taxminan uch hafta kerak bo‘ladi.
Ispaniya chempionatining joriy mavsumida Inigo sakkizta uchrashuvda qatnashib, ikkita sariq kartochka oldi.
La Liganing 15-turidan so‘ng “Barselona” 34 ochko jamg‘arib, peshqadam “Real”dan 4 ochko ortda qolgan holda uchinchi o‘rinda bormoqda.
