Каталониянинг “Барселона” клуби ҳимоячиси Иньиго Мартинес бўлажак ўйинларда жамоасига ёрдам бермайди, бу ҳақда “кўк-анорранглилар” ижтимоий тармоқларида хабар берилди.
Маълум бўлишича, 32 ёшли футболчида сон суяклари шикастлангани аниқланган. Мартинеснинг тўлиқ тикланиши учун тахминан уч ҳафта керак бўлади.
Испания чемпионатининг жорий мавсумида Иниго саккизта учрашувда қатнашиб, иккита сариқ карточка олди.
Ла Лиганинг 15-туридан сўнг “Барселона” 34 очко жамғариб, пешқадам “Реал”дан 4 очко ортда қолган ҳолда учинчи ўринда бормоқда.
