Lionel Messi Time jurnali tomonidan yilning eng yaxshi sportchisi deb topildi. Ushbu nashr saytida argentinalikning yozda yangi klub tanlashi haqidagi so‘zlari keltirilgan.
«Haqiqat shundaki, xayriyatki, menda qiziqarli variantlar bor edi. Men Mayamiga ko‘chib o‘tishga yakuniy qaror qabul qilishdan oldin ularni, shu jumladan oilam bilan ham tahlil qilishim kerak edi.
Mening birinchi variantim Barselonaga qaytish edi, ammo bu mumkin emas edi. Men qaytib kelishga harakat qildim, lekin bo‘lmadi.
Keyinroq Saudiya ligasi haqida biroz o‘yladim. Ular u yerda kuchli raqobatni yaratdilar va yaqin kelajakda ularning ligasi muhim bo‘lishi mumkin.
Bu joy meni o‘ziga tortdi, chunki men bu mamlakatning turizm elchisiman. Menga u yerda ko‘rganlarim yoqdi, u yerda futbol rivojlanmoqda va ular yuqori saviyadagi liga yaratish uchun jiddiy harakat qilishmoqda. Saudiya Arabistoni va MLS - ikkala variant ham menga juda qiziq tuyuldi», - deya Messidan iqtibos keltiradi Time.
