Лионель Месси Time журнали томонидан йилнинг энг яхши спортчиси деб топилди. Ушбу нашр сайтида аргентиналикнинг ёзда янги клуб танлаши ҳақидаги сўзлари келтирилган.

«Ҳақиқат шундаки, хайриятки, менда қизиқарли вариантлар бор эди. Мен Майамига кўчиб ўтишга якуний қарор қабул қилишдан олдин уларни, шу жумладан оилам билан ҳам таҳлил қилишим керак эди.

Менинг биринчи вариантим Барселонага қайтиш эди, аммо бу мумкин эмас эди. Мен қайтиб келишга ҳаракат қилдим, лекин бўлмади.

Кейинроқ Саудия лигаси ҳақида бироз ўйладим. Улар у ерда кучли рақобатни яратдилар ва яқин келажакда уларнинг лигаси муҳим бўлиши мумкин.

Бу жой мени ўзига тортди, чунки мен бу мамлакатнинг туризм элчисиман. Менга у ерда кўрганларим ёқди, у ерда футбол ривожланмоқда ва улар юқори савиядаги лига яратиш учун жиддий ҳаракат қилишмоқда. Саудия Арабистони ва МЛС - иккала вариант ҳам менга жуда қизиқ туюлди», - дея Мессидан иқтибос келтиради Time.