"Yuventus" hujumkor yarim himoyachi Kenan Yildizning narxi borasida bir qarorga keldi.

18 yoshli turkiyalik futbolchi "Byankonerilar"ning asosiy jamoasida bor-yo‘g‘i 5 marta o‘ynagan bo‘lsa-da, xorij gigantlarining e’tiborini tortdi. Xabaringiz bor, Angliyaning “Liverpul” va Londonning “Arsenal” klublari o‘sib borayotgan yulduzni o‘z safiga qo‘shib olishga qiziqish bildirmoqda. "Tuttosport" xabariga ko‘ra, "Yuventus" Yildizni daxlsiz deb hisoblamaydi va u uchun takliflarni tinglashga tayyor, ammo transfer uchun taxminan 40 million yevro so‘raydi.

Kenan Yildizning Turin klubi bilan shartnomasi 2027 yilning o‘rtalariga qadar tuzilgan. Transfermarkt ekspertlari futbolchining narxini 1 million yevroga baholamoqda.