"Ювентус" ҳужумкор ярим ҳимоячи Кенан Йилдизнинг нархи борасида бир қарорга келди.
18 ёшли туркиялик футболчи "Бьянконерилар"нинг асосий жамоасида бор-йўғи 5 марта ўйнаган бўлса-да, хориж гигантларининг эътиборини тортди. Хабарингиз бор, Англиянинг “Ливерпуль” ва Лондоннинг “Арсенал” клублари ўсиб бораётган юлдузни ўз сафига қўшиб олишга қизиқиш билдирмоқда. "Tuttosport" хабарига кўра, "Ювентус" Йилдизни дахлсиз деб ҳисобламайди ва у учун таклифларни тинглашга тайёр, аммо трансфер учун тахминан 40 миллион евро сўрайди.
Кенан Йилдизнинг Турин клуби билан шартномаси 2027 йилнинг ўрталарига қадар тузилган. Transfermarkt экспертлари футболчининг нархини 1 миллион еврога баҳоламоқда.
