"Vilyarreal" yarim himoyachisi Aleks Baena yaqin kelajakda Angliya Premyer-ligasiga o‘tishi mumkin. Jurnalist Ekrem Ko‘nurning ijtimoiy tarmoqlarda xabar berishicha, 22 yoshli futbolchiga Londonning “Arsenal” va “Nyukasl” klublari qiziqish bildirmoqda.
Joriy mavsumda 19ta rasmiy o‘yinda Baena jamoadoshlari uchun 4ta gol va 6ta golli uzatmani amalga oshirdi. Nufuzli Transfermarkt portali mutaxassislari ispaniyalik futbolchini 20 million yevroga baholamoqda.
"Vilyarreal" ayni damda Ispaniya La Ligasi turnir jadvalida 12-o‘rinni egallab turibdi.