A Seriyada «Yuventus» – «Napoli» o‘yini katta ahamiyatiga ega: «keksa sinyora» «Inter»ni ta’qib etishda davom etmoqda, «Napoli» esa kuchli to‘rtlikka kirish uchun bor kuchi bilan harakat qilmoqda. Jamoalar bu o‘yinga qanday formatda yondashmoqda? Keling, ko‘rib chiqamiz.

Bahs bugun tunda Toshkent vaqti bilan 00:45da start oladi. 

Joriy mavsumda «Yuventus» nihoyat zamonaviy, hujumkor futbolga o‘xshagan narsani ko‘rsatmoqda. Allegri uchta markaziy himoyachi chizig‘iga yopishib olishda davom etmoqda, biroq hozir bunda jamoa o‘zini butunlay boshqacha his qilmoqda: 14 turdan keyin «keksa sinyora» A Seriyada kutilgan gollar ko‘rsatkichi bo‘yicha uchinchi o‘rinda bormoqda. Ammo bugungi o‘yindan so‘ng «zebralar» bu yerda ikkinchi o‘ringa chiqishlari mumkin va buning uchun ular neapolliklardan kamida 0,17 ta ko‘proq kutilgan golli vaziyat yaratishlari kerak (hozir ular orasidagi farq aynan shunday). Biroq, «Yuve» hali ham yuqori bosimga ega emas: PPDA indeksiga ko‘ra, jamoa 14,92 ko‘rsatkich bilan pastdan uchinchi o‘rinni egallab turibdi. Ya’ni «Yuve» o‘z jarima maydoni ichida to‘pni ushlab turishga harakat qilmaydi (yoki muvaffaqiyatga erisha olmaydi), chunki Allegri jamoasi OPPDA bo‘yicha 10-o‘rinda (PPDAga teskari ko‘rsatkich).

Bunday o‘yin bilan himoya hozir unchalik ishonchli emas, lekin baribir o‘z darajasida: raqibning «Yuve»ga nisbatan kutilgan gollari bo‘yicha «Yuventus» yana ikkinchi o‘rinda va yana «Inter»dan keyingi pog‘onani band etgan. Biroq boshqa ko‘rsatkichlar bo‘yicha (masalan, raqibning zarbalari, ularga qo‘yilgan bloklar va o‘tkazib yuborilgan driblinglar) jamoa o‘rta o‘rinlarda joylashgan.

Klub, shuningdek, hech qanday holatda ham to‘pga egalik qilishni birinchi planga qo‘ymaydi. «Yuventus»ning o‘rtacha to‘pga egalik qilish darajasi «Salernitana» yoki «Lechche» bilan bir xil. Ijodiy ko‘rsatkichlar bo‘yicha ham jamoa o‘rtacha o‘rinda. Bundan xulosa qilish mumkinki, ko‘p narsa ijodiy o‘yinchilarning individual fazilatlariga asoslanadi. Yaxshiyamki, «Yuventus»da ular yetarli: Rabyo, Kyeza, Kostich, Lokatelli. Aytgancha, Kostich chempionatning so‘nggi uchinchi qismida uzatmalarda eng yaxshi futbolchi bo‘lib turibdi. Manuel esa hujum zonalariga to‘pni asosiy yetkazib beruvchi o‘yinchi hisoblanadi.

Ammo bu turdagi futbolda eng ko‘p vazifani bajaruvchi Federiko Kyeza bo‘ladi. Italiyalik futbolchi mavsumni ancha shiddatli boshladi va endi aqlli paslar va to‘p bilan yugurish bo‘yicha A Seriyaning eng yuqori pog‘onasidan joy oldi. U hozirda Allegri uchun eng muhim futbolchi bo‘lsa kerak.

Endi «Napoli»ga o‘tamiz!

Bu yerda «Yuventus»dan ko‘ra ko‘proq voqealar sodir bo‘lishi aniq, chunki bu yerda hech bo‘lmaganda murabbiy o‘zgargan. O‘zining prinsipialligiga qaramay, klubga kelgan Valter Massarri 4-3-3 sxemasida o‘ynashda davom etmoqda, ammo hozircha bu unchalik yaxshi natija bermayapti. Biroq bu yerda taqvim katta rol o‘ynaydi, chunki neapolliklar uchun dastlabki uchta o‘yin nihoyatda og‘ir kechdi. Trendlar haqida biror narsa qayd etishga hali erta, ammo bugungi o‘yin bu borada ko‘p narsani ko‘rib olishga yordam beradi.

Hozirda «Napoli» 5-o‘rinda, ammo barcha kutilgan parametrlarga ko‘ra, klub hech bo‘lmaganda turnir jadvalida kuchli uchlikdan joy olishi kerak. Neapolliklar A Seriyaning 14-turidan so‘ng eng talabchan jamoa bo‘lib turibdi, biroq birinchi raqamda harakat qilgan o‘yinlarida PPDA ko‘rsatkichi o‘rtacha 9,17 pasdan sezilarli darajada pastroq («Inter»ga qarshi o‘yinda bu ko‘rsatkich 15 ga yaqin edi, xuddi «Atalanta», «Real Madrid» va hatto «Milan»ga qarshi bahslarda bo‘lgani kabi).

Garsiya ishining asosiy natijasi Di Lorensoning oldinga siljishi va chuqur paslar bo‘yicha A Seriyada birinchi o‘rinni egallashidir. Buning ajablanarli joyi yo‘q, chunki Rudi har doim qanot himoyachilariga tayangan. Piotr Zelinski, o‘z navbatida, aqlli paslar bo‘yicha kuchli uchlikdan joy oldi. Garsiya Spaletti o‘yinidan biroz farq qiladigan vertikal uzatmali jamoaning uslubini yig‘ishtirib qo‘ydi.

Lekin, nima desak ham, yetakchi rolni yana mavsumda 4+4 natija qayd etgan, shuningdek, to‘p bilan oldinga siljishda ikkinchi o‘rinni egallagan Xvicha o‘ynamoqda. Ammo eng hayratlanarli start - bu Matteo Politano: italiyalik futbolchi A Seriyani yondirib tashlamoqda, karyerasidagi eng yaxshi natijalariga yaqinlashmoqda (va atigi 14 turdan so‘ng ko‘rindi). Osimxen, afsuski, allaqachon jarohat olgandi biroq, hozir uning ahvoli yaxshi. Ammo hozircha uning gollari o‘tgan yilgidek hayratlanarli emas.

Uchrashuv haqidagi fikrlar

«Inter»ga qarshi kechgan ikkinchi bo‘lim Allegri har qanday raqibning kuchli tomonlarini yo‘q qila olishini ko‘rsatdi. O‘ylaymanki, bu safar Allegri xuddi shunday qiladi va o‘zining o‘tgan yilgi «quruq» sozlamalariga qaytib, hujumdagi ishonchsiz harakatlardan ko‘ra himoyadagi ishonchlilikni afzal ko‘radi. Ko‘p narsa Kyeza va maydon markaziga bog‘liq bo‘ladi, chunki bu yerda Lobotka, Angissa va Zelinskiga qarshi kurashda g‘alaba qozonish muhim bo‘ladi. To‘g‘ri, Vlaxovich ham ko‘p narsani hal qila oladi, biroq «Yuve»da bunday o‘yinlarda ko‘plab imkoniyatlar bo‘lmaydi. «Napoli» esa o‘z navbatida, katta ehtimol bilan o‘ng qanotda, Di Lorenso va Politano variantlaridan foydalanadi. Ular eng yaxshi formada bo‘lgan paytida tizimli futbol yanada silliqlashadi. Xvicha esa chap qanotda qolib, u yerda individual harakatlar orqali aniqlik yaratadi. O‘yindan ko‘p gol kutish qiyin. Bu jamoalar hal qiluvchi o‘yinlarda juda yomon o‘ynashadi, shu bois bu yerda gollar ko‘p bo‘lmasa kerak. Sizningcha, uchrashuv qanday yakunlanadi?