“Yuventus” mag‘lubiyatsiz seriyasini 10 ta o‘yinga yetkazdi.
Massimiliano Allegri shogirdlari Italiya chempionatining 15-turida “Napoli”ni mag‘lub etishdi (1:0).
“Byankonerilar” oxirgi marta 23 sentyabr kuni “Sassuolo”ga (2:4) mag‘lub bo‘lgandi. O‘shandan beri ular sakkizta o‘yinda g‘alaba qozonishdi va yana ikkitasida durang o‘ynashdi. Bu uchrashuvlarning yettitasida turinliklar gol o‘tkazib yuborishmadi.
Ayni damda “Yuventus” A seriyada peshqadamlik qilmoqda, “Inter”dan bir ochko oldinda – 36:35. Shu bilan birga, milanliklar bitta kamroq o‘yin o‘tkazishgan.
