“Ювентус” мағлубиятсиз сериясини 10 та ўйинга етказди.

Массимилиано Аллегри шогирдлари Италия чемпионатининг 15-турида “Наполи”ни мағлуб этишди (1:0).

“Бьянконерилар” охирги марта 23 сентябрь куни “Сассуоло”га (2:4) мағлуб бўлганди. Ўшандан бери улар саккизта ўйинда ғалаба қозонишди ва яна иккитасида дуранг ўйнашди. Бу учрашувларнинг еттитасида туринликлар гол ўтказиб юборишмади.

Айни дамда “Ювентус” А серияда пешқадамлик қилмоқда, “Интер”дан бир очко олдинда – 36:35. Шу билан бирга, миланликлар битта камроқ ўйин ўтказишган.