Yurgen Klopp “Liverpul” omadning hisobiga “Kristal Pelas”dan ustun kelganini tan oldi.

"Men hozir juda baxtli murabbiyman va biz omadli ekanligimizni bilaman. Ammo agar siz faqat yaxshi o‘ynaganingizda g‘alaba qozonsangiz, unda haqiqiy muvaffaqiyatga erishish imkoniyati yo‘q.

Bugun biz eng yaxshi o‘yin o‘tkazmadik. 76 daqiqa davomida yomon o‘ynadik. Raqib qizil kartochka oldi, shundan so‘ng darhol gol urdik - bularning barchasi bizga yordam berdi. Shuning uchun biz ham omadlimiz deyman.

Ammo 76-dan 106-daqiqaga qadar biz juda yaxshi o‘ynadik. O‘zingiz bilganingizdek, 10 kishiga nisbatan qiyinroq bo‘lishi mumkin. Biz o‘yinni ag‘darib yubordik va almashtirishlar juda muhim rol o‘ynadi. Umuman olganda, bu bizning mavsum hikoyasi: o‘yinga zaxiradan maydonga tushganlarning ta’siri bo‘ldi.

Agar Elliott to‘pga yaxshi zarba bermaganida, uchrashuv durang bilan yakunlangan bo‘lardi. Agar Salohning zarbasidan keyin ortga qaytish bo‘lmaganida, biz mag‘lub bo‘lardik. Oxirgi 15-20 daqiqada biz g‘alaba qozonishga haqli edik, ammo bunga qadar hech narsaga loyiq emasdik", - dedi "Liverpul" bosh murabbiyi.