«Bayer» Leverkuzen tobora ko‘proq muxlislarni o‘ziga jalb qilishda davom etmoqda.
Xabi shogirdlari Germaniya Bundesligasida bu safar «Shtutgart» bilan ochko bo‘lishdi – 1:1. Kris Furichning «farmasevtlar» darvozasiga kiritgan goliga Florian Virs javob qaytardi.
Shu tariqa, Leverkuzen klubining mag‘lubiyatsiz seriyasi 22 o‘yinni tashkil etdi.
«Bayer» bu mavsumda hali mag‘lub bo‘lmagan jamoa bo‘lib qolmoqda va turnir jadvalida munosib birinchi o‘rinni egallab turibdi.
Eslatib o‘tamiz, «Bayer» 22 o‘yinda bor-yo‘g‘i uchta durang o‘ynadi, qolganlari g‘alaba.
