Milanning “Inter” klubi sport direktori Pyero Auzilio yanvar oyidagi transfer oynasi vaqtida yangi hujumchi sotib olishi mumkinligi haqida gapirdi.
"Jamoaning hujum chizig‘idan mamnunmiz, hujumda to‘rt nafar futbolchimiz bor. Jamoada kerak bo‘lsa hujumda o‘ynay oladigan Mxitaryan ham bor. Shuning uchun biz bu pozisiyani mustahkamlashimiz shart emas”, - deydi klub sport direktori.
15 tur natijasiga ko‘ra, jamoa 38 ochko jamg‘arib, Italiya chempionati turnir jadvalida peshqadamlik qilmoqda. Navbatdagi o‘yinda "neradzurrilar" Rimning "Lasio" jamoasiga qarshi bahs olib boradi.