“Fiorentina” hujumchisi Nikolas Gonsales o‘ng sonidan jarohat oldi, deb xabar bermoqda klub matbuot xizmati.

Manba bergan xabarga ko‘ra, forvard Konferensiyalar ligasi guruh bosqichining 6-turi doirasidagi "Ferensvarosh"ga (1:1) qarshi safar o‘yinida jarohat olib, 19-daqiqada almashtirilgan.

"Calciomercato" xabariga ko‘ra, argentinalik futbolchi 1,5 oyni o‘tkazib yuboradi.

25 yoshli Gonsales joriy mavsumda "Fiorentina" safida barcha turnirlarda 19 ta o‘yin o‘tkazib, 9 ta gol urdi va 2 ta golli uzatmani amalga oshirdi.