La Liga prezidenti Xavyer Tebas Superliga loyihasi haqida fikr bildirdi.
"Superliga mutlaqo mumkin emas. Avvalo, buning qonuniy yo‘li yo‘qligi sababli. Qolaversa, UYEFA nizomida kimdir raqobatbardosh musobaqa tashkil qilmoqchi bo‘lsa, bu haqda ikki yil oldin xabardor qilishi shart - bu majburiy tartib. Va ular e’lon qilganidek, Superligaga ko‘plab klublar qo‘shilganini ko‘rmayapman - u yerda inglizlar bo‘lmaydi. Va audiovizual huquqlar masalasida hech qanday taraqqiyotni ko‘rmadim. Superligaga ishonmayman, ikki yildan keyin ham, to‘rt, olti yoki sakkiz yildan keyin ham", - dedi Tebas.
