"Chelsi" bosh murabbiyi Maurisio Pochettino jamoatchilikning Ris Jeymsning jarohati haqida gapirdi.
“Ko‘klar” sardori yana bir bor safdan chiqdi – u operasiya tufayli 3-4 oyni o‘tkazib yuboradi. 24 yoshli futbolchining o‘zi muxlislar tomonidan qo‘llab-quvvatlangan. Biroq xabarlar orasida ko‘plab tanqidlar bo‘layotgani murabbiyga yoqmadi.
“Bu juda achinarli vaziyat. Bugungi kunda [ijtimoiy tarmoqlarda] biror narsa yozish orqali odamlarni xafa qilish juda oson.
Hozirgi kunda faqat yomon so‘zlarni aytish urfga aylangan.
Bu meni xafa qiladi, chunki salbiy narsalar ijobiy narsalarga qaraganda ko‘proq ta’sir qiladi. Bunga haqiqatan ham e’tibor qaratilayotgani meni xafa qiladi.
Shaxsan men bunday xabarlarga e’tibor bermaslikka harakat qilaman", - deya Pochettinoning so‘zlarini keltiradi jurnalist Nizaar Kinsella.
