Leverkuzenning "Bayer" klubi yanvar oyidagi transfer oynasida o‘z futbolchilari bilan xayrlashmoqchi emas. Kicker xabariga ko‘ra, "dorichilar" o‘z tarkibini saqlab qolish va Bundesliganing joriy mavsumida chempionlik uchun kurashish niyatida.
“Barcha futbolchilar klubda qoladilar. Qishda hech kimni sotmaymiz”, dedi jamoa sport direktori Saymon Rolfes.
Germaniya chempionatining 16-turidan keyin “Bayer” 42 ochko jamg‘arib, turnir jadvalida birinchi o‘rinda bormoqda. Leverkuzenliklar ikkinchi o‘rindagi "Bavariya"dan 4 ochko oldinda.
