"Manchester Yunayted" yarim himoyachi Sofyan Amrabatning kelajagi borasida bir qarorga keldi. Sky Sports xabariga ko‘ra, "qizil iblislar" 27 yoshli marokashlik futbolchini sotib olish imkoniyatidan foydalanmaydi.
Eslatib o‘tamiz, sentyabr oyi boshida Sofyan Amrabat “Fiorentina”dan ijara asosida “Manchester Yunayted”ga o‘tgan edi.
O‘shandan beri yarim himoyachi "mankunianliklar" safida 17 ta rasmiy o‘yin o‘tkazgan. Futbolchi hech qanday samarali harakatlarni qayd etmadi.
Ko‘rinishidan, mavsum yakunida Sofyan Amrabat "Fiorentina"ga qaytadi. Transfermarkt portali futbolchini 28 million yevroga baholamoqda.
