Italiya chempionatining 18-turidan o‘rin olgan navbatdagi o‘yinlar 29 dekabr oqshomida bo‘lib o‘tdi. «Inter» safarda «Jenoa» klubi mehmoni bo‘lib, kutilmaganda, ochko yo‘qotdi.

"Neradzurri" 42-daqiqada Arnautovich tomonidan urilgan gol evaziga hisobni ochishgan bo‘lsa, oradan 3 daqiqa o‘tib mezbonlar javob to‘pini kiritishdi va tanaffusga durang natija bilan yo‘l olishdi.

Ikkinchi bo‘limda esa tomonlar darvozalarga yo‘l topa olishmadi. Buning oqibatida jamoalar bir ochko bilan kifoyalanishdi.

"Inter" o‘z ochkolari 45 taga yetkazib oldi. 40 ochko bilan 2-o‘rinni egallab turgan "Yuventus" bugun "Roma" bilan to‘qnash keladi.

Italiya A seriyasi, 18-tur
Jenoa – Inter 1:1 (1:1, 0:0)
Gollar: 0:1 – 42 Arnautovich, 1:1 – 45 Dregushin.
Jenoa – Jozep Martines, Sabelli, Bani, Dregushin, de Vinter (Vaskes, 46), Aaron Martin (Junior Messias, 78), Badel, Strotman (Malinovskiy, 61), Frendrup, Ekuban (Retegi, 61), Gudmundsson.
Inter – Zommer, Darmian (Dumfris, 78), Acherbi, Bastoni, Bissek (Pavar, 90), Karlos Augusto, Mxitaryan (Klassen, 90), Chalxanoglu, Barella (Frattezi, 78), Arnautovich (Sanches, 70), Tyuram.
Ogohlantirishlar: Jilardino (56), Gudmundsson (66), Dregushin (69), Barella (77), Mxitaryan (86).