Италия чемпионатининг 18-туридан ўрин олган навбатдаги ўйинлар 29 декабрь оқшомида бўлиб ўтди. «Интер» сафарда «Женоа» клуби меҳмони бўлиб, кутилмаганда, очко йўқотди.

"Нерадзурри" 42-дақиқада Арнаутович томонидан урилган гол эвазига ҳисобни очишган бўлса, орадан 3 дақиқа ўтиб мезбонлар жавоб тўпини киритишди ва танаффусга дуранг натижа билан йўл олишди.

Иккинчи бўлимда эса томонлар дарвозаларга йўл топа олишмади. Бунинг оқибатида жамоалар бир очко билан кифояланишди.

"Интер" ўз очколари 45 тага етказиб олди. 40 очко билан 2-ўринни эгаллаб турган "Ювентус" бугун "Рома" билан тўқнаш келади.

Италия А серияси, 18-тур
Женоа – Интер 1:1 (1:1, 0:0)
Голлар: 0:1 – 42 Арнаутович, 1:1 – 45 Дрэгушин.
Женоа – Жозеп Мартинес, Сабелли, Бани, Дрэгушин, де Винтер (Васкес, 46), Аарон Мартин (Жуниор Мессиас, 78), Бадель, Стротман (Малиновский, 61), Френдруп, Экубан (Ретеги, 61), Гудмундссон.
Интер – Зоммер, Дармиан (Думфрис, 78), Ачерби, Бастони, Биссек (Павар, 90), Карлос Аугусто, Мхитарян (Классен, 90), Чалханоглу, Барелла (Фраттези, 78), Арнаутович (Санчес, 70), Тюрам.
Огоҳлантиришлар: Жилардино (56), Гудмундссон (66), Дрэгушин (69), Барелла (77), Мхитарян (86).