"Udineze" yarim himoyachisi Lazar Samardjich "Napoli"ga o‘tishga yaqin turibdi.
Qayd etilishicha, neapolliklar klubi kelasi haftada rasmiy taklif bilan chiqadi. Agar transfer amalga oshirilsa, futbolchi yiliga 2,5 million yevro maosh bilan 5 yillik shartnoma oladi.
"Napoli"ning birinchi og‘zaki taklifi, Daniele Longoning so‘zlariga ko‘ra, 19 million yevro + 4-5 million bonuslar.
Kuzda futbolchiga "Yuventus" qiziqish bildirayotgani xabar qilingandi.
21 yoshli serbiyalik futbolchi 2021 yilning avgust oyidan beri friuliliklar safida to‘p tepmoqda, u "Leypsig"dan taxminan 2-3 million yevroga jamoaga o‘tgan.
