"Inter" va Italiya terma jamoasining sobiq bosh murabbiyi Antonio Konte yozda "Milan"ni boshqarishi mumkin. Bu haqda Football Italia xabar bermoqda.
Manbaga ko‘ra, "rossoneri" rahbariyati 54 yoshli italiyalikdan boshqa nomzodlarni ko‘rib chiqmayapti. Qayd etilishicha, milanlik boshliqlar katta ehtimol bilan Pioliga mavsum oxirigacha ishlashga ruxsat berishadi, shundan so‘ng ular Konteni jamoaga taklif qilishadi.
Konte murabbiylik faoliyati davomida “Chelsi”, “Yuventus”, “Inter”, “Atalanta”, “Siyena”, “Bari” va Italiya terma jamoasini boshqargan.
Ayni damda “Milan” Italiya chempionati turnir jadvalida uchinchi o‘rinni egallab turibdi. Pioli shogirdlari 18 turdan so‘ng 36 ochko jamg‘ardi.