"Интер" ва Италия терма жамоасининг собиқ бош мураббийи Антонио Конте ёзда "Милан"ни бошқариши мумкин. Бу ҳақда Football Italia хабар бермоқда.
Манбага кўра, "россонери" раҳбарияти 54 ёшли италияликдан бошқа номзодларни кўриб чиқмаяпти. Қайд этилишича, миланлик бошлиқлар катта эҳтимол билан Пиолига мавсум охиригача ишлашга рухсат беришади, шундан сўнг улар Контени жамоага таклиф қилишади.
Конте мураббийлик фаолияти давомида “Челси”, “Ювентус”, “Интер”, “Аталанта”, “Сиена”, “Бари” ва Италия терма жамоасини бошқарган.
Айни дамда “Милан” Италия чемпионати турнир жадвалида учинчи ўринни эгаллаб турибди. Пиоли шогирдлари 18 турдан сўнг 36 очко жамғарди.
