Londonning "Arsenal" klubi Amsterdamning "Ayaks" klubining 17 yoshli markaziy himoyachisi Yorrel Xatoga e’tibor qaratmoqda.
Jurnalist Sem Dinning xabariga ko‘ra, "kanonirlar" niderlandiyalik futbolchiga alohida qiziqish bildirishmoqda. Shu bilan birga, manbaning xabar berishicha, qishki mavsumda transfer amalga oshishi dargumon. Katta ehtimol bilan "Arsenal" kelasi yozda shartnomani yakunlashga harakat qiladi, o‘shanda "Ayaks" sotishga ochiq bo‘ladi.
E’tiborli tomoni, Xato 17 yoshida Niderlandiya chempionati oliy divizionida 27 ta o‘yin o‘tkazgan. Transfermarkt portali futbolchining bozor qiymatini 22 million yevroga baholamoqda.
