"Liverpul" hujumchisi Diogo Jota hujumchi Muhammad Salohning 13 yanvardan 11 fevralga qadar bo‘lib o‘tadigan Afrika Millatlar Kubogiga ketishi haqida gapirdi.
"Agar esimda bo‘lsa, ikki yil avval bu vazifani yaxshi bajargan edik. Lekin bu har doim qiyin, chunki jamoa o‘ng qanotda Salohga o‘rganib qolgan va biz uning raqibga qanday xavf tug‘dirishini bilamiz. Uning borligining o‘zi kifoya, ba’zida u to‘pga tegishi ham kerak emas.
Bizda hozir bunday bo‘lmaydi, bu aniq, shuning uchun biz moslashishimiz kerak. Boshqa tomondan, uning yo‘qligini qoplash uchun jamoamizda yetarlicha o‘yinchilar borligini bilaman. Umid qilamanki, hammasi shunday bo‘ladi", - dedi Jota "Liverpul" matbuot xizmati.
Joriy mavsumda Saloh "Liverpul" safida barcha musobaqalarda 27 ta o‘yinda maydonga tushib, 18 ta gol urdi va 9 ta golli uzatmani amalga oshirdi.
