“Nottingem Forest” futbolchisi, avvalroq “Chelsi”da to‘p tepgan Kallum Xadson-Odoi jinsiy savdoda ayblanayotgan milliarder Jeffri Epshteyn ishi bo‘yicha uning ismi turli ro‘yxatlarda paydo bo‘lganiga izoh berdi.

“Ijtimoiy tarmoqlarda tarqalayotgan bu voqeani anchadan beri kuzatyapman va bu haqda izoh bermoqchi emasman, chunki bu bema’nilikdir.

Biroq, namuna sifatidagi pozisiyamni tushunar ekanman, men hech qachon Epshteyn janjalining bir qismi bo‘lmaganimni va hech qachon Epshteyn orolida bo‘lmaganimni aniq aytmoqchiman.

Shuning uchun, iltimos, bu xabarlarda meni zikr qilishni bas qiling”, — deb yozgan Xadson-Odoi ijtimoiy tarmoqdagi sahifasida.