“Ноттингем Форест” футболчиси, аввалроқ “Челси”да тўп тепган Каллум Хадсон-Одои жинсий савдода айбланаётган миллиардер Жеффри Эпштейн иши бўйича унинг исми турли рўйхатларда пайдо бўлганига изоҳ берди.

“Ижтимоий тармоқларда тарқалаётган бу воқеани анчадан бери кузатяпман ва бу ҳақда изоҳ бермоқчи эмасман, чунки бу бемаъниликдир.

Бироқ, намуна сифатидаги позициямни тушунар эканман, мен ҳеч қачон Эпштейн жанжалининг бир қисми бўлмаганимни ва ҳеч қачон Эпштейн оролида бўлмаганимни аниқ айтмоқчиман.

Шунинг учун, илтимос, бу хабарларда мени зикр қилишни бас қилинг”, — деб ёзган Хадсон-Одои ижтимоий тармоқдаги саҳифасида.