«Krasnodar»ning hujumkor yarimhimoyachisi Eduard Spersyan yozgi transfer oynasida boshqa klubga o‘tishi mumkin. "RB Sport" xabariga ko‘ra, 23 yoshli futbolchiga «Yuventus» qiziqish bildirishda davom etmoqda.

Manbaga ko‘ra, «keksa sinyora» yozga yaqinroq Spersyan bo‘yicha muzokaralarni davom ettiradi. Turinliklar allaqachon dekabr oyida futbolchi vakillari bilan bog‘lanishgan.

«Yuve» lageri Spersyanni yuqori baholaydi va uni tarkibni kuchaytirish uchun yaxshi variant deb biladi.

Qayd etilishicha, ayni damda Eduard Spersyan bor e’tiborini «Krasnodar» uchun o‘ynashga qaratgan. Transfermarkt portali Spersyanni 18 million yevroga baholamoqda.