«Краснодар»нинг ҳужумкор яримҳимоячиси Эдуард Сперцян ёзги трансфер ойнасида бошқа клубга ўтиши мумкин. "РБ Спорт" хабарига кўра, 23 ёшли футболчига «Ювентус» қизиқиш билдиришда давом этмоқда.
Манбага кўра, «кекса синёра» ёзга яқинроқ Сперцян бўйича музокараларни давом эттиради. Туринликлар аллақачон декабр ойида футболчи вакиллари билан боғланишган.
«Юве» лагери Сперцянни юқори баҳолайди ва уни таркибни кучайтириш учун яхши вариант деб билади.
Қайд этилишича, айни дамда Эдуард Сперцян бор эътиборини «Краснодар» учун ўйнашга қаратган. Трансфермаркт портали Сперцянни 18 миллион еврога баҳоламоқда.
