"Barselona" markaziy himoyachi Ronald Arauxo bilan uzoq muddatli hamkorlikka umid qilmoqda.
"Bavariya" urugvaylik futbolchini sotib olishga jiddiy qiziqish bildirmoqda. Jurnalist Florian Plettenbergning so‘zlariga ko‘ra, "Barselona" Arauxo bilan shartnomani uzaytirishni rejalashtirmoqda - sport direktori Deku haqiqatan ham 24 yoshli markaziy himoyachini klubda uzoq vaqt olib qolishni xohlaydi. Shu bilan birga, manba ta’kidlaganidek, yaqin kelajakda muzokaralar boshlanishi aniq emas.
Ronald Arauxoning amaldagi shartnomasi 2026 yilning o‘rtalariga qadar amal qiladi. Joriy mavsumda futbolchi Xavi Ernandes jamoasida 17ta o‘yin o‘tkazib, bitta gol urgan.
