"Chelsi" bosh murabbiyi Maurisio Pochettino jarohatidan so‘ng safga qaytishga yaqin turgan uch futbolchining holati haqida ma’lumot berdi.
Gap himoyachilar Ben Chiuella va Benoit Badyashil, shuningdek, yarim himoyachi Karni Chukvuemeke haqida ketmoqda.
"Chiluell, Badyashil va Chukvuemeke qaytishga yaqin, ammo biz har kuni ularning holatini diqqat bilan kuzatib borishimiz kerak.
Har doim tavakkallar bo‘ladi", - dedi Pochettino Angliya kubogi doirasida «Preston» ustidan qozonilgan g‘alabadan keyin (4:0) matbuot anjumanida.
Ro‘yxatdagi barcha futbolchilar 9 yanvar kuni bo‘lib o‘tadigan Liga kubogi yarim finalida "Midlsbro"ga qarshi navbatdagi o‘yinda maydonga tushishi kutilmoqda.
