Yarim himoyachi Ilaysh Moriba “Xetafe” futbolchisiga aylandi.
Ispaniya klubi 20 yoshli yarim himoyachini "RB Leypsig"dan ijaraga oldi. Shartnoma mavsum oxirigacha amal qiladi.
Moriba Afrika Millatlar Kubogida ishtirok etish uchun Gvineya terma jamoasiga chaqirildi. Uning terma jamoasi turnirdagi o‘yinlarini yakunlagach, futbolchi "Xetafe"ga o‘tadi.
Moriba 2021/22 yilgi mavsum boshlanishi arafasida “RB Leypsig”ga o‘tdi. Bungacha yarim himoyachi "Barselona"da o‘ynagan.