"Chelsi" bosh murabbiyi Maurisio Pochettino hujumchi pozisiyasini kuchaytirish zarurligi haqidagi savolga javob berdi.
Ko‘pchilikning fikricha, “ko‘klar”da muntazam gol ura oladigan hujumchi yetishmaydi. Biroq, Pochettinoning so‘zlariga ko‘ra, qishki transfer oynasida yangi markaziy hujumchi sotib olish klub uchun ustuvor vazifa emas.
“Bizda hujumchi sifatida o‘ynay oladigan ko‘plab futbolchilar bor, jumladan Armando Broya va Koul Palmer.
Men ijobiy fikrdaman va jamoamizdan mamnunman. Agar biror yangilik bo‘lsa, sizga xabar beramiz", - deya argentinalik murabbiyning so‘zlarini keltiradi CFCDaily.
