"Udineze" yarim himoyachisi Lazar Samardjich joriy qishki transfer oynasida klubini o‘zgartirishi mumkin. Bu haqda jurnalist Rudi Galetti ijtimoiy tarmoq xabar berdi.
Manbaga ko‘ra, hozirda tomonlar kelishuvning yakuniy tafsilotlari bo‘yicha muhokamalarni yakunlamoqda. Dastlabki ma’lumotlarga ko‘ra, "Napoli" 21 yoshli yarim himoyachi uchun 23 million yevro to‘laydi. Qo‘shimcha bonuslar ham taqdim etiladi. Qayd etilishicha, futbolchining o‘zi ham ushbu transferdan manfaatdor va neapolliklar bilan shaxsiy shartnomasi shartlarini kelishib olgan.
Joriy mavsumda Samardjich Italiya A Seriyasida "Udineze" safida 17 ta o‘yin o‘tkazib, 2 ta gol va 2 ta golli uzatmaga mualliflik qilgan. Futbolchining klubi bilan amaldagi shartnomasi 2026 yilning iyun oyi oxirigacha amal qiladi.
