Kataloniyaning "Barselona" klubi jamoa sardori va himoyachisi Serxi Roberto bilan yangi shartnoma imzolashi noma’lum.

Jurnalist Ferran Martines xabariga ko‘ra, Hozircha "Barsa" Serxi bilan shartnomani uzaytirish bo‘yicha hechqanday chora ko‘rmadi. Klub Xavining Roberto jamoada bo‘lishini xohlayotgani haqidagi maslahatini ko‘rib chiqadi, biroq rahbariyatning avvalgi rejasida futbolchining ketishi bor edi.

Robertoning o‘zi ham shartnomasini uzaytirishga shoshilmayapti va asosiy e’tiborini joriy mavsumga qaratgan va mavsum yakunlangach, Xavi bilan gaplashib ko‘rib, o‘z holatini tahlil qiladi. Unga ko‘plab takliflar bo‘lishiga qaramay, u hozircha hechbirini ko‘rib chiqmayapti.

31 yoshli ispaniyalik futbolchi joriy mavsumda 10 ta o‘yinda 3 ta gol urib, 1 ta assist berdi.