Каталониянинг "Барселона" клуби жамоа сардори ва ҳимоячиси Серхи Роберто билан янги шартнома имзолаши номаълум.

Журналист Ферран Мартинес хабарига кўра, Ҳозирча "Барса" Серхи билан шартномани узайтириш бўйича ҳечқандай чора кўрмади. Клуб Хавининг Роберто жамоада бўлишини хоҳлаётгани ҳақидаги маслаҳатини кўриб чиқади, бироқ раҳбариятнинг аввалги режасида футболчининг кетиши бор эди.

Робертонинг ўзи ҳам шартномасини узайтиришга шошилмаяпти ва асосий эътиборини жорий мавсумга қаратган ва мавсум якунлангач, Хави билан гаплашиб кўриб, ўз ҳолатини таҳлил қилади. Унга кўплаб таклифлар бўлишига қарамай, у ҳозирча ҳечбирини кўриб чиқмаяпти.

31 ёшли испаниялик футболчи жорий мавсумда 10 та ўйинда 3 та гол уриб, 1 та ассист берди.