"Arsenal"ning sobiq himoyachisi Bakari Sanya "Brentford" hujumchisi Ivan Touni haqidagi fikrlari bilan o‘rtoqlashdi.
“Menga Touni yoqadi. Menimcha, u juda iqtidorli futbolchi. Mavsumning birinchi yarmini diskvalifikasiya tufayli o‘tkazib yuborganidan keyin qanday qaytishi qiziq.
Olti oy safdan chiqqanidan keyin u Premyer-liganing jismoniy talablariga dosh bera oladimi? U mashg‘ulot o‘tkazganini bilaman, lekin mashq qilish boshqa, o‘ynash boshqa narsa.
Agar "Arsenal" uni o‘z safiga qo‘shib olishga qaror qilsa, men faqat shu narsadan xavotirda bo‘lardim. Lekin menimcha, u albatta "Arsenal"da o‘ynash uchun yetarli sifatlarga ega", - deya Sanyaning so‘zlarini keltirmoqda TeamTalk.