"Chelsi" o‘z tarkibini kuchaytirishni rejalashtirmoqda.
The Standart xabariga ko‘ra, London grandining uzoq muddatli maqsadi "Brayton" hujumchisi Evan Fergyuson bo‘ladi.
Qayd etilishicha, 19 yoshli futbolchi “aristokratlar”ning yoshlarga qaratilgan transfer yondashuviga mos keladi.
Biroq, "Brayton" Fergyusonni sotmoqchi emas va uni o‘z safida saqlab qolishga harakat qiladi. 2023/2024 yilgi mavsumda Evan Fergyuson 24 ta o‘yinda 6 ta gol urdi va sherigiga bitta golli uzatma berdi.
Nufuzli Transfermarkt portali ekspertlari irlandiyalik futbolchini 65 million yevroga baholamoqda.
