Serbiyalik yarim himoyachi Nemanya Matich “Renn”ni tark etishga yaqin turibdi.

Jurnalist Nikolo Skiraning ijtimoiy tarmoqlardagi ma’lumotlariga ko‘ra, futbolchining yangi klubi "Lion" bo‘ladi.

Insayderning xabar berishicha, tomonlar muzokaralar olib borgan va mehnat shartnomasini imzolashga kelishib olgan.

Bitim yakunlanish arafasida. Joriy mavsumda Nemanya 19 ta uchrashuvda ishtirok etib, 3 ta golli uzatmani amalga oshirdi.

35 yoshli yarim himoyachi o‘tgan yilning avgust oyida «Renn»ga kelib, ikki yillik shartnoma imzolagan edi. Futbolchining transfer qiymati 3,5 million yevroga baholanmoqda.